كيفاش طيح درية : تدخل بنت ما كتعرفهاش

المهم كيف قلت ليكم هاذ الموضوع غادي نهضر على "كيفاش دخل شي بنت مكتعرفهاش وتعجبها أو لا تثير الانتباه ديالها" في هاذ الدومين أخوتي كل واحد وطريقتو ولكن غادي نعطيكم بعض الطرق اللي كتصدق مع الأغلبية أنا عارف بأن بزاااف فاش كيبغي يدوي مع شي بنت ما كيعرفهاش كيتوتر، كيبدا قلبو يضرب بجهد، فمو كينشف، مهم أخي الجندي اللي كيطرا ليه هادشي ما ديرش في بالك راه عادي جدا أنا غادي نعطيكم أفضل وأجمل طريقة باش دوي مع شي بنت فأي بلاصة سواء في الشارع أو شي كلوب مقود أو شي حفلة المهم فينما كنتي ! أول مرحلة أخوتي قبل ما تهضر معاها هي أنك تثير الانتباه ديالها، خاس الدرية تمرضها تولي كتفكر فيك ودايرا معاك البال، باش توصل لهادشي أنقوليكم كيفاش 1- شوف فيها مزياااان حتى تحس بيك كتشوف فيها وبمجرد ما دور تا هي تشوف فيك أقلب راسك ودير بحالا تا حاجة ما كاينة ! هاذي ديرها غير مرة ولا جوج باش ننتقلو للمرحلة الثانية 2- التواصل بالعينين، شوف فيها مزيااان ومنين تشوف فيك شوف فيها شوية وقلب ثاني تا الدرية تنويها 3- دير راسك حشمان شوية، تكون مع الدراري يدويو معاك دير راسك ما مسوقش وكتشوف غير في البنت بحالا سااهي 4- ضرب ليها شي ابتسامة ديال شاروخان أخي الجندي، بلا منوصيك تغسل سنانك مزيان لا تمشي طيحها بشي ريحة مقودة ! دابا من بعد ما دير هادشي خاسك تهضر معاها وتمشي عندها وباش دير هادشي تبع هاذ المراحل : 1-تسنا اللحظة المناسبة، ماشي الدرية مريحة مع داريهم ولا كتاكل ولا شي لعيبة ونتا تقصدها لا ! اللحظة راه أهم حاجة ودير قبالك راه أحسن لحظة دوي مع البنت هي فاش تكون بوحدها ! 2- ركز بزاف على لغة الجسد، منين توقف معاها وقف مزيان وابتسم وشوف فيها نيشان ما تبقاش دور في راسك ودوي مطلوق عادي ! 3- من بعد ديك الهضرة الروتينية ديال شنو سميتك، مشرفين وداكشي خاسك دير أهم حاجة وهي تبدل داك القنت، قوليها يلاه نتمشاو شوية نحيدو من هناونتا غادي زيد تعرف عليها مزيان ولكن ما تزربش لا تخربق كلشي 4- إلا كانت مع جوقة ديال البنات قصدها بوحدها نيشان وما تشوفش في البنات اللي معاها، سلم عليها بوحدها ودوي معاها، راه غادي تحس براااسها وعمرها تنسى ديك اللقطة اللي درتي ليها ! 5- منين يلاه تعرف عليها ما ديهاش نيشان للقهوة ولا شي حاجة راه باقا ما مستعداش، جلس نتا وياها غيرر في شي بلاصة زوينة وشريو شي حاجة وخا غير كاوكاو ههههههه ودويو عادي 6- اللقاء الأول من الأحسن ما يفوتش 30 دقيقة وفاللخر كوليها سمحي لي راني مزروب خلي لي النمرة ديالك وسير وخليها، غادي تعيط ليك من بعد بوحدها 7- أحمبااكم أحمالديكم داك التلواط ديال الثمانينات ديال بس بس وداك الجمل لا علاقة ما بقاش واكل وكطيح من قيمتك والله، ترجل وكون فشكل يلاه أخوتي